مضى سلطانَ الادب ، وغاب قمر الارض ََصبَبْتُ دُموعِ الحُزْنِ ممزوجةً دماً على فقدوافٍ فى الوفا ايةُ الدهر
شَبَابٌ كَسَتْه بهْجَه التقْوى رونقاً هُوَ الدٌرُ ،لا بَلْ جَل قدراً عن الدٌر
لقد غاب بدْرُ الارضِ فاسْوَد َليْلُها فَبِتْنا وبات البدرُفى روضة القبر
فَيا احمد الجعلى أَنْعَمْ بجيرةٍ وفى مقعدِالصدقِ العظيم مع النًهر
فراقة الحبايب الدنيا أصلو دا حالهْ
تَمنْيك بالأمل وطُول العمر تَتْحاله
بى مُرواد غُرورك ْللعيون كحاله
شيخ الجعلى رَاحْ خَرْبانة يالرحالة
ـــــــــــــــــــــــــــــــــــــــــ
فَراقة الحبايب الدنيا حُلْم النائم
بَرقاً خُلباً وسراب امانى العائم
شالت للفريد الخيرهْ قَطْ مو دائم
شاباً من نشاَ فى الله فانى وهايم
فراقة الحبايب فانية يالخربانة
سيفك ديمة مسلول فى الصميم ضاربانه
شِلْتِ النادر البيهُ القلوب طربانه
حلقات الذكر اشْلعت خربانه
فراقة الحبايب زايلة يالغشاشه
سيفك ديمه مسلول حربتك نشْابه
شِِلتِ النادر الشهم البجيك ببشاشه
ابْ قلباً صميم الدِينوُ خاتى هشاشه
رحل شاب المكارم والخصال الطيبة
كيف بعد الظريف كيف الحياة تكون طيبة
دايماً منشرح بَسام وريحك طيبة
من حب الاله ليك اندفن فى طيبة
غاب قمر الارض وشمس ضياها الباهر
غاب الكوكب الدُرى وعبقريها الماهر
غاب العقل الرجيح والفؤاد الطاهر
غاب سِراً مًُصان من جَدُو باطن وظاهر
فرحا ً بى شِفاك شكراًبدأْت ُ ثنائى
لكن لم يتم واصابنى اعيائى
مالك يا يراع ؛قالىْ وَقَف املائى
لما أنفاسو وقفت حَول ثنائى رثائى
مالك يا ِحمام أخذْتَ الفريد فى جيلو
سُلالة العارفين كل المكارم هيلو
الشاب الظريف فى جيلو مافى مثيلو
لو بالاختيار الموت ،جميع نفديلو
غابت بى غيابك شمس المروة اتْوارت ْ
وافكار الشباب لما نعوك احتارت
امال البلاد بعد الشموخ انهارت
شاباًلى جوار مولاه رُوحُو اخْتارت
عجباً يا مغيب الشمس وقت ضحاها
جَل مُقَدِرالاجال ارضُو دحاها
فقْدك يا ظريق العالمين هزاها
موجات الاثير حُزْناًتَبُثُ عزاها
نزوات الشباب حولك قَسَمْ ما حامت
وعن غير الاله نَفْسك مُلَجمة صامت
بالشوق والمحبة روحك مربية هامت
موتك موت أُمم اجيال قيامة وقامت
تبكيك السما والارض وما بينهما
ويبكيك العرش والكرسى وما حولهما
تبكى الايتين ،بل كل ما عندهما
الثقلين بكت لا سيما انسانهما
يبكيك التواضع قال فقدت امامى
والخُلُق العظيم قال من يقودو زِمامى
الادب الرفيع قال بى حِمامو حِمامى
شابا ًما نحيت ْ منحى وجدتو أَمامى
تبكيك الليالى والايام السبعة
ويبكيك الذِكر وطبقاتو تلك السبعة
تبكبك الكواكب والسبعة ثم السبعة
عُمْرك بالحساب عشرين وفوقن سبعة
يبكيك الوقار والذوق وجبر الخاطر
الحُب والرزانة وبسمتك بالفاطر
شققت القلوب بى فراقك فاطر
دمع الباكيين فاق الغمام الماطر
تبكيك الطيور الطايرة والحيتان
وتبكيك كل ذرة وزهرة فى بستان
تبكيك المكارم يا فتى الفتيان
بُكاء الثاكلات ياللوذعى الريان
نبكى البسمة نبكى الشهمة نبكى يداك
نبكى مروءتك ورَويتك ونداك
نبكى فضائلك وعفوك للعاداك
لو كان باختيارنا الموت جميع نفداك
يا وجها ًبشوشاً مُفرِحا للعابس
يا رأساً مُتوجْ للمكارم لابس
يا كفاً كريماً اخْضَر منه اليابس
يا عقلا رجيحاً فى النائبات ما كابس
لَو غُررَالفصاحة جَمَعْتُها ما جَمَعت
مزاياك الحميدة الْمِنْ صِبا ك قد لمعت
ما جِيت فى اجتماع الا الخلوق اجْتَمعت
تزاحم عليك وبى لهفة ليك اسْتمعت
لُغةالضاد وهَتْ بجميع معان فيها
عنْ أن توفى جُزْءاًمن صفات وافيها
يا اية سُطور الذوق الصافية من صافيها
القوم من بدَتْ لِسْع بِتَدْرُسْ فيها
لُغة الضاد تَولْول أعيا الحضارى بَيانه
ما جَمَعت ْقُواها الا انْهدم بُنْيانه
من فقد الهُمام الكُلو عِزْودَيانةه
أعياها الصبُر من ٌقبْل ما أعْيانا
ماذا اقول فى الشال قلوبنا وولى
سُلطان الادب خُلاصة رجال اهل الله
نسيج دهرو الفريد القدْرو اتْعلى
نخْتِم بيها زيْو الكلمة لا اله الا الله
النجم ؟لا النجْم خافت ولى
البدر ؟لا البدر اسْتحى قد كلا
الشمس؟لا الشمس بيك تتجلى
نورك نبوى يا الجعلى المُكَمل والله
والدك راضى عنك ايضاًكذاك الوالدة
ونِلْت رضا الكريم يا ذا الماثر الخالدة
روحك صاحبت ذاتك اليها مقالدة
لو غاب البطل ذِكراه ثابته وخالدة
فى حرم الرسول صلوا عليك بالجمعه
واصناف الخَلِق مُزدحمة جارية الدمعة
شالوك للبقيع املاكو ليك مُجْتمعة
ثمانية من الربيع أرخْنا هذى الجمعة
حينْ دفْنك ابوك واقف بينظر ليك
والناس واجمين فى حُرقة من حوليك
يا لها لحظة لما اهالوا عليك
تُراب طيبة الطهور نُوم يا عريس ما عليك
نعزيك يا وقور يا شيخنا يا رائدنا
ولى ارقى القمم من غير شكك قائدنا
وهج نار الفُراق جُوهْ الفؤاد حارقنا
لكن صبْرك الفاق الجِبال عائدنا
يا كدباس نعزيك ونعزى نفوسنا
ياالشامخة الابيه البيك عزة روسنا
نعزيك يا خليفة أبواتو فى ناموسنا
تاج زينة الشباب الفاق ضياه شموسنا
نعزى الوالدة ونعزى شقيقو
محمد يا له فى كل منحنى طبيقو
ألهِمَهُ الصبر يا ربى فَرج ضيقو
فى السودان هناك كيف يمشى غير رفيقو
نعزى القادرية بكل مسجد وزاوية
وكل اهل التصوف فى المصيبة الحاوية
الاسلام جميع فاضت عيونهم داوية
من فقد الغيور صار فى خطر فى هاوية
نعزى الناس جميع وبالاخص شبابنا
فى الخطب الجلل طاشت به البابن
لى حضرات ذِكرْنا كيف الدخول غير باببنا
الموت أصلو واحد واتْعددت اسبابنا
صبرا يا شباب الجعلى راح لى ربو
وفى جوار الحبيب البى هُداهُ اتْرَبوا
جوارك للحبيب والله حق تفخربو
شمروا يا شباب هيأ بى دربو
روضك فى البقيع بين الصحابة والُو
جعَلِيا عِلا واتْحققت امالُو
ارْقُد نُوم قرير فى الجنة غَير سؤال
كل حَى للممات لى ربه يبقى مالُو
اسْتغفرنا تُبْنا الى الكريم الرُجْعى
فى المضى وانْتقل حَى بينا من غير رجعة
بالجمعة اَضْجع فى بقيعو نعم الضجْعة
بجوار الحبيب نهنِيك من غير رجعة
صلوات الاله وسلامو للمرسول
للال والصحابة وكل من منسول
الباكى الطُويب ذنْبهُ مغسول
وبلِغْنا الجميع فى رضاك كل السُول
تمت بحمد الله وعونه مكة المكرمة
الخمبس 14/ربيع الاول /1432
ر الطيب مختار
أيها 
الزائر الكريم 
